Fransiya janubidagi Oksitaniya mintaqasining bir nechta shaharlarida 200 dan ortiq fermer qishloq xo‘jaligi sohasidagi cheklovlarni yumshatishga qaratilgan yangi qonun loyihasini qo‘llab-quvvatlash uchun namoyishlarda ishtirok etdi. Bu haqda France Presse agentligi xabar bermoqda.
“Payshanba kuni kechqurun fermerlar Oksitaniyaning bir nechta shaharlarida to‘planib, ularning kasbiy faoliyatidagi “cheklovlarni bekor qilish”ga va ayniqsa, pestitsidlardan foydalanishni osonlashtirishga qaratilgan Diplom qonun loyihasini qo‘llab-quvvatladilar”, deya ta’kidlaydi agentlik.
Ba’zi fermerlar tirkamali traktorlarda kelib, Montoban shahrida namoyish o‘tkazishdi. U yerda politsiya xodimlari fermerlarning sotsialistlar partiyasi shtab-kvartirasi oldiga go‘ng to‘kishga urinishlarining oldini olish uchun safarbar etildi.
Yana bir namoyish Rodez shahrida bo‘lib o‘tdi. U yerda 10 ga yaqin fermer aeroport yaqinidagi aylanma yo‘lga somon g‘aramlarini to‘kib tashladi va o‘zlari “hayotiy muhim” deb hisoblagan yangi qonun loyihasini to‘sib qo‘ymaslikka chaqiruvchi katta banner osib qo‘ydi.
Namoyish tashkilotchilari hozirda olib borilayotgan bahorgi qishloq xo‘jaligi ishlari tufayli ko‘p sonli ishtirokchilarni kutmaganliklarini, ammo bu hali boshlanishi ekanligini ta’kidlashdi.
Bir kun oldin FNSEA yetakchi fermerlar kasaba uyushmasi rahbari Arno Russo hukumat o‘z va’dalarini bajarmagani uchun fermerlar 26-maydan boshlab norozilik namoyishlarini qayta boshlashini ma’lum qilgan.
Izoh (0)