AQSH vitse-prezidenti Jey Di Vens 10-avgust kuni Rossiya va Ukraina o‘rtasida erishilishi mumkin bo‘lgan kelishuv ikki tomonni ham “juda xursand qilmasligini” aytdi. Bu haqda Reuters xabar berdi.
Jey Di Vens mahalliy nashlarga bergan intervyusida shunday degan:
“Kun oxirida na rossiyaliklar, na ukrainaliklar kelishuvdan xursand bo‘ladi”.
Vitse-prezidentning ta’kidlashicha, Tramp ukrainaliklar va rossiyaliklar nisbatan tinch yashashiga olib keladigan va urushni to‘xtatadigan muzokarali kelishuvni ko‘zlamoqda. Jey Di Vens ilgari Vladimir Putin Ukraina prezidenti Zelenskiy bilan uchrashishdan bosh tortgan bo‘lsa, endilikda Donald Tramp bunga rozilik olishga muvaffaq bo‘lganini yuqori baholamoqda.
Ma’lum qilinishicha, hozirda uch tomonlama uchrashuv muzokaralari ustida ish olib borilmoqda. Tramp va Putin 15-avgust, juma kuni AQSHning Alyaska shtatida uchrashishi rejalashtirilgan. Bundan oldin Rossiya rahbari 7-avgust kuni Zelenskiy bilan uchrashishga qarshi emasligini, ammo buning uchun zarur sharoitlar yaratilishi lozimligini aytgandi.
Putinning Zelenskiy bilan Trampdan avval uchrashishi kerakmi, degan savolga Vens “bu samarali bo‘lmaydi” deya javob berdi.
“Asosiy vazifa AQSH prezidenti ikki rahbarni bir joyga to‘plashidir”, degan u.
Izoh (0)