Angliya Premer Ligasi klublari — “Everton” va “Manchester Siti” yarim himoyachi Jek Grilishning transferi yuzasidan muzokaralarni davom ettirmoqda. Bu haqda The Sunday Times nashri xabar berdi.
Manbaga ko‘ra, tomonlar hozirda kelishuvning moliyaviy shartlarini muhokama qilmoqda. “Siti” futbolchi uchun qariyb 13,8 million yevro ishlab olishi mumkin. “Everton” esa Grilishning haftasiga 300 ming funt sterling (taxminan 400 ming dollar) atrofidagi maoshini to‘liq qoplashga tayyor.
“Manchester Siti” futbolchi bilan tezroq xayrlashishni istamoqda. Shu sababli Grilish jamoaning AQSHda bo‘lib o‘tgan Klublar o‘rtasidagi Jahon chempionati uchun tuzilgan qaydnomasiga kiritilmagan edi. Ushbu xabarlar fonida futbolchi o‘ziga yangi jamoa qidirmoqda. Jek Grilish 2021-yildan buyon “shaharliklar” safida to‘p surmoqda. U hozirga qadar klub tarkibida 157 uchrashuv o‘tkazib, 17 ta gol va 23 ta assist muallifiga aylangan.
- Grilish o‘tgan mavsumda jami 32 ta o‘yinda ishtirok etib, o‘z hisobiga 3 ta gol va 5 ta assist yozdirib qo‘ygan.
- Transfermarkt portali futbolchining qiymatini 28 million yevroga baholagan.
- Uning klub bilan shartnomasi 2027-yil yozigacha amal qiladi.
Izoh (0)