“Barselona” vitse-prezidenti Rafa Yuste “Real Madrid” hujumchisi Kilian Mbappega nisbatan chiqarilgan diskvalifikatsiya qarorini keskin tanqid qildi.
Bunday zarba va unga berilgan diskvalifikatsiya – mutlaqo bema’nilik. Mbappening harakati juda xavfli bo‘ldi va u raqib futbolchisining jiddiy jarohat olishiga sababchi bo‘lishi mumkin edi. Bu – sharmandalik, – deya Yustening so‘zlarini keltiradi Mundo Deportivo nashri.
Avvaliga Mbappega uch o‘yinlik diskvalifikatsiya berilishi mumkinligi aytilgandi. Agar bu amalga oshsa, ulardan biri “Barselona”ga qarshi bahs bo‘lishi kerak edi. Biroq yakunda Kilian faqat 32-turdagi o‘yinini o‘tkazib yuboradigan bo‘ldi.
Ma’lumot uchun, La Liganing 31-turidagi “Alaves”ga qarshi bahsda madridliklar hujumchisi Kilian Mbappe to‘p uchun kurash vaqtida raqib yarim himoyachisi Antonio Blankoga nisbatan qo‘pol harakat ishlatdi. Uchrashuv hakami futbolchining ushbu harakatini qizil kartochka bilan jazoladi.
Izoh (0)