Namanganda gaz ta’minoti korxonasiga qarashli maishiy gaz ballonlari fuqaro xonadonida noqonuniy tarzda saqlanayotgani aniqlandi, deb xabar bermoqda “O‘zenergoinspeksiya”.
Keltirilishicha, holat “O‘zenergoinspeksiya” Namangan viloyat hududiy boshqarmasi va huquqni muhofaza qilish organlari hamkorligida o‘tkazilgan nazorat tadbirida aniqlangan. Namangan tumani “Past Qiyot” MFYda yashovchi fuqaro X.Z. xonadonida maishiy gaz ballonlari noqonuniy tarzda, texnika va yong‘in xavfsizligi talablariga mutlaqo zid ravishda saqlanayotgani ma’lum bo‘lgan.
O‘rganish davomida fuqaro X.Z. maishiy suyuq gaz ballonlarini fuqarolarga 120 ming so‘mdan sotayotgani hamda aholi xonadonlariga tegishli bo‘lgan turli xil hajmdagi maishiy gaz ballonlari gaz ta’minoti korxonalarining raqamli shifr (stiker)lar mavjudligi ma’lum bo‘lgan.
Mazkur qoidabuzarlik holati bo‘yicha tegishli hujjatlar rasmiylashtirildi.
Noqonuniy tarzda saqlangan maishiy gaz ballonlari
Andijonda jami 212 ta suyultirilgan gaz ballonlarini noqonuniy ravishda saqlagan xonadonlar aniqlangandi. Fevral oyida esa Samarqand viloyati Toyloq tumanida suyultirilgan gaz sotuvidan tushgan mablag‘larni o‘zlashtirgan shaxslar aniqlangandi.
Izoh (0)