O‘zbekistonda doimiy aholining necha foizi mehnatga layoqatli ekani ma’lum bo‘ldi.
Milliy statistika qo‘mitasi ma’lumotlariga ko‘ra, O‘zbekiston Respublikasida 2025-yilning 1-aprel holatiga doimiy aholi soni 37 697,8 ming kishini tashkil etdi.
Doimiy aholi sonining yosh guruhlari bo‘yicha tarkibi quyidagicha:
- mehnatga layoqatli yoshdan kichiklar – 12,1 mln kishi (32,1 foiz);
- mehnatga layoqatli yoshdagilar – 21,1 mln kishi (56 foiz);
- mehnatga layoqatli yoshdan kattalar – 4,5 mln kishi (11,9 foiz).
O‘zbekistonning doimiy aholisi soni o‘tgan yilning mos davri bilan solishtirilganda 2 foizga oshgan.
Shundan:
- ayollar soni — 18 714,9 ming kishi;
- erkaklar soni — 18 982,9 ming kishi;
- shahar joylarda — 19 216,4 ming kishi;
- qishloq joylarda — 18 481,4 ming kishi.
Mamlakat aholisi 2025-yil boshidan buyon 154,6 ming kishiga ko‘paygan. O‘zbekiston aholisi 2025-yilning har bir oyida o‘rtacha 51,5 ming kishiga oshgan, har bir kunida esa doimiy aholi soni o‘rtacha 1,7 ming kishiga ko‘paymoqda.
O‘zbekistonda 2025-yilda necha kishi vafot etishi mumkinligi prognoz qilingan edi. O‘zbekistonda o‘limlar soni 2025-yilda 223,9 ming kishini tashkil etishi taxmin qilinmoqda. Statistika agentligi ma’lumotlariga ko‘ra, O‘zbekistonda o‘rtacha umr ko‘rish davomiyligi 74,3 yoshni tashkil etadi. Mamlakatda o‘lim holatlarining yarmidan ko‘pi qon aylanish tizimi kasalliklari sabab yuz bermoqda.
Izoh (0)