YPX xodimlari tomonidan tegishli hujjatlarsiz olib ketilayotgan 360 ta iPhone 16 Pro Max telefonlari aniqlandi. Bu haqda Yo‘l harakati xavfsizligi xizmati xabar berdi.
Maʼlum qilinshicha, 11-aprel kuni soat 05:30 larda “Namangan” YPX maskanida YHXX Qamchiq dovoni bo‘yicha YPX otryadi xodimlari tomonidan Vodiy—Toshkent yo‘nalishida harakatlanib kelgan haydovchi, 1994-yilda tug‘ilgan A.M. boshqaruvidagi Lacetti to‘xtatilib tekshirildi.
Tekshiruvda mashinaning saloni va yukxonasida jami 360 ta iPhone 16 Pro Max telefon qurilmalari olib ketilayotgani, ushbu qurilmalarga oid tegishli hujjatlar mavjud emasligi aniqlangan.
Holat yuzasidan o‘rnatilgan tartibda hujjatlar rasmiylashtirilib, qurilmalar hamda fuqaro A.M. Namangan viloyati IJQK departamentining Pop tumani bo‘limi xodimlariga surishtiruv ishlarini davom ettirish uchun topshirilgan.
2024-yilning oktyabr oyida Farg‘ona viloyatida bojxona xodimlari 900 million so‘mlik iPhone 16 Pro Max’larning noqonuniy olib kirilishiga chek qo‘yilgan edi.
Izoh (0)