Toshkent metropolitenida bugun, 11-aprel kuni poyezd ikki bekat oralig‘ida to‘xtab qoldi. “Toshkent metropoliteni” holatga izoh berdi.
Unga ko‘ra, 11-aprel sanasi soat 07:53 lar atrofida “Ming o‘rik” bekatidan harakatlangan 67-sonli harakat tarkibida texnik nosozlik holati aniqlangan. Shundan so‘ng, belgilangan yo‘riqnomaga asosan, yo‘lovchilar va harakat xavfsizligini ta’minlash maqsadida poyezd harakati “Ming o‘rik”—“Yunus Rajabiy” bekatlari oralig‘ida to‘xtatilgan.
Mashinist tomonidan tezkor ko‘rilgan chora-tadbir natijasida 3 daqiqa ichida harakat tarkibidagi nosozlik bartaraf etilgan va poyezd harakatini davom ettirgan.
Hozirgi vaqtda yo‘nalishdagi poyezdlar belgilangan jadval asosida harakatlanmoqda.
Metrodagi nosozliklar:
- Toshkent metropolitenining “O‘zgarish” bekatida yong‘in chiqdi
- Toshkent metropolitenida poyezdda yong‘in chiqqani aytilgan xabarga izoh berildi
- Toshkentda metro vagonlaridan birining eshigi ochilmay qoldi
- Toshkentda metro poyezdi nosozlik sabab to‘xtab qoldi
- Toshkentda metro poyezdi ochiq eshik bilan harakatlandi (video)
Izoh (0)