“Manchester Siti” muxlislari jamoa himoyachisi Abduqodir Husanovga laqab o‘ylab topishdi. Endilikda ular o‘zbekistonlik futbolchini “Uzbekkenbauer” deb atashmoqda, deb yozadi futbol eksperti Vadim Lukomskiy.
Abduqodir Husonov nafaqat “Manchester Siti”da oyning eng yaxshi futbolchisi sovrinini qo‘lga kiritdi, shuningdek, u kichik rekord ham qayd etdi. Husanov klubning butun tarixi davomida eng ko‘p ovoz to‘plagan futbolchiga aylandi. Muxlislar bu e’tirofni ajoyib laqab bilan mustahkamlashdi – “Uzbekkenbauer”, – deb yozadi Lukomskiy.
Ushbu laqab futbol tarixidagi afsonaviy himoyachi, Germaniya terma jamoasi va “Bavariya”ning sobiq futbolchisi Frans Bekkebauer nomidan olingan. Bekkebauer himoyadagi ajoyib o‘yini va maydondagi yetakchilik fazilatlari bilan mashhur bo‘lib, u futbol tarixidagi eng buyuk himoyachilardan biri hisoblanadi.
Ma‘lumot uchun, Abduqodir Husanov fevral oyida “Siti” safida 5 ta o‘yin o‘tkazib, 1 gol urishni uddaladi.
Izoh (0)