Madridning “Real” klubi “Bavariya” himoyachisi Alfonso Devis bilan yozda “qirollik klubi”ga erkin agent sifatida o‘tish bo‘yicha kelishuvga erishishga yaqin. Bu haqda Marca xabar bermoqda.
Manbaga ko‘ra, tomonlar og‘zaki ravishda shaxsiy shartnoma shartlarini kelishib olgan. Kanadalik futbolchi yaqin orada yozgi transfer bo‘yicha kelishuvni imzolashi kutilmoqda.
Eslatib o‘tamiz, Devisning “Bavariya” bilan amaldagi shartnomasi 2025-yil 30-iyunda yakunlanadi. Joriy mavsumda 24 yoshli kanadalik futbolchi barcha turnirlarda jami 23 ta o‘yinda ishtirok etib, bir gol va uchta golli uzatmani amalga oshirgan. Transfermarkt internet portali ma’lumotlariga ko‘ra, futbolchining taxminiy qiymati 50 million yevroni tashkil qiladi.
Avvalroq Kataloniyaning “Barselona” klubi ham chap qanot himoyachisi Alfonso Devisni o‘z safida ko‘rish niyatida ekani xabar qilingandi.
Izoh (0)