TikTok uyqu sifatini yaxshilashga yordam beradigan meditatsiya mashqlarini sinab ko‘rmoqda. Masalan, 16 yoshdan kichik bolalarga soat 22:00 dan keyin tinchlantiruvchi musiqa bilan bildirishnoma yuboriladi, deb yozmoqda Fortune nashri.
TikTok yangi ota-ona nazorati vositalarini e’lon qildi. Ular orasida ota-onalarga farzandining obunalari va obunachilarini ko‘rish, shuningdek, kunning ma’lum vaqtlarida, masalan, kechasi yoki o‘qish paytida ilovadan foydalanishni cheklash imkonini beruvchi funksiyalar mavjud. Buning uchun maxsus jadval tuzish mumkin.
16 yoshdan kichik bolalarga soat 22:00 dan keyin butun ekranni qoplaydigan tinchlantiruvchi musiqa bilan bildirishnoma keladi. Uni rad etish mumkin, ammo keyin takroriy bildirishnoma keladi: uni olib tashlash ancha qiyin bo‘ladi.
Shuningdek, TikTok uyqu sifatini yaxshilashga yordam beradigan meditatsiya mashqlarini sinab ko‘rmoqda. Kompaniya fikriga ko‘ra, yangi funksiyalar odamlarga yanada sog‘lom onlayn odatlarni shakllantirishga yordam berishi kerak.
Qo‘shimcha qilinishicha, yangi funksiyalarga qo‘shimcha ravishda yoshni tasdiqlash texnologiyalarini takomillashtirishda davom etmoqda. Ushbu ish doirasida, jumladan, 13 yoshdan kichik bolalar ilovadan foydalana olmasligi uchun sun’iy intellekt texnologiyalari qo‘llanilmoqda.
Izoh (0)