Angliyaning “Liverpul” klubining urugvaylik hujumchisi Darvin Nunyes faoliyatini Saudiya Arabistonida davom ettirishga yaqin turibdi. “Al-Hilol” mersisaydliklar bilan kelishuvga erishgan va futbolchi jarayonini yakunlash uchun Germaniyada tibbiy ko‘rikdan o‘tishi kutilmoqda. Bu haqda jurnalist Ben Jeykobs xabar berdi.
Manbaga ko‘ra, bugun — 7-avgust kuni Nunyes “Liverpul”dagi jamoadoshlari bilan rasman xayrlashadi. 26 yoshli futbolchi Germaniyada tibbiy ko‘rikdan o‘tishi va shundan so‘ng Saudiya klubi bilan shartnoma imzolashi kutilmoqda. “Al-Hilol” Darvin transferi uchun ingliz klubiga 65 million yevroga million yevro to‘lab beradi.
Shu tariqa Saudiya Arabistonining eng kuchli klublaridan biri hisoblangan “Al-Hilol” yana bir yulduz futbolchini o‘z tarkibiga qo‘shishga yaqin turibdi. Bungacha jamoa Neymar, Aleksandr Mitrovich, Kalidu Kulibali va Sergey Milinkovich-Savich kabi nomdor futbolchilarni ham xarid qilgan edi.
- Nunyes 2024/25-yilgi mavsum “Liverpul” safida jami 47 ta o‘yinda maydonga tushib, o‘z hisobiga 7 ta gol va 7 ta golli uzatma yozdirib qo‘ygan.
- Transfermarkt portali urugvaylik hujumchining qiymatini 45 million yevroga baholamoqda.
Izoh (0)