Eng murakkab nevrologik kasalliklarda Acıbadem mutaxassislari jamoasi tomonidan kompleks yordam

Turkiyaning Acıbadem shifoxonasi, dunyoning eng yirik miqyosdagi neyroxirurgiya bo‘limlaridan birini o‘z ichiga oladi. Mazkur dargohda eng murakkab nevrologik kasalliklar uchun yuqori tajribaga, shunngdek, ilg‘or texnologiyalar va innovatsion davolash usullariga, innovatsion ilmiy tadqiqotlarga va fanlararo yondashuvga ega bo‘lgan mutaxassislar jamoasi faoliyat olib boradi. Bularning barchasi, birdamlikda butun dunyo bo‘ylab bemorlar va ularning oilalariga umid bag‘ishlaydi.

Acıbadem shifoxonasidagi bemorlar oddiy muolajalardan tortib, jiddiy jarrohlik aralashuvi va kompleks yondashuvni talab qiladigan turli nevrologik kasalliklardan aziyat chekishadi. Ba’zi kasalliklar tug‘ma, boshqalari esa yosh o‘tishi bilan rivojlanadi. Ayrim hollarda, ba’zi buzilishlarning aniq sababi noma’lum bo‘lib qolishi ham mumkin.

Acıbadem shifoxonasi, kattalar va bolalarda bosh miya shishi, tutqanoq, Parkinson kasalligi, anevrizmalar va arteriovenoz malformatsiyalar (AVM) kabi serebrovaskulyar kasalliklarni davolashda keng imkoniyatlar taqdim etadi. Shifoxonadagi ko‘p tarmoqli jamoa, bemorning holatini yaxshilash maqsadida, tashxis qo‘yishdan tortib, davolash jarayonini to‘liq nazorat qiladi.

Shunday qilib, Acıbadem shifoxonasi nevrologik kasalliklarni kompleks yondashuv orqali davolashda bemorlarga umid va yangi imkoniyatlar yaratadi, ularning hayot darajasini oshirishga yo‘naltirilgan mukammal xizmatlar bilan ta’minlaydi.

Bosh miya shishlarini samarali davolash

Bosh miya shishlari – barchaga tanish jiddiy nevrologik kasalliklardan biri sanaladi. Ular barcha o‘smalarning faqat 2% ni tashkil etsa-da, saratondan o‘lim sabablari orasida 10-o‘rinda turadi. Bu shishlar hujayralarning nazoratsiz ko‘payishi natijasida yuzaga keladi va bundan tashqari, tananing boshqa qismlarida o'smalar tarqalishi va metastatik miya o'smalarini vujudga keltirishi mumkin.

Bosh miya shishlarini davolashda ko‘pincha jarrohlik amaliyotiga murojaat qilinadi. Bu operatsiya o‘smani xavfsiz olib tashlashga qaratilgan. Ushbu jarayon og‘riqni kamaytirishi, nevrologik funksiyalarni tiklashi va bemorning hayot sifatini yaxshilashi mumkin. Xavfsiz o‘smali bemorlarga ko‘pincha bir marotabalik jarrohlik amaliyoti kifoya qiladi, ammo xavfli o‘smalar uchun qo‘shimcha muolajalar talab qilinishi mumkin.

Acıbadem shifoxonalari tarmog‘idagi neyroxirurglar bosh miya shishlari bilan bog‘liq barcha turlarni davolashda yuqori sifatli tajribaga ega. Eng yaxshi natijalarga erishish uchun ilg‘or texnologiyalardan foydalaniladi. Neyromonitoring bu jarayonda nevrologik shikastlanishlarni oldini olishda yordam beradi, neyronavigatsiya esa o‘smani aniq olib tashlashni ta’minlaydi. Intraoperatsion MRT esa operatsiya davomida o‘smani to‘liq olib tashlash uchun real vaqtli tasvirlar yaratadi.

Acıbadem shifoxonalarida oddiy va murakkab o‘smalari bo‘lgan bemorlar 30 yildan beri muvaffaqiyatli davolanmoqda.

Bolalarning nevrologik kasalliklariga yo‘naltirilgan shifoxona

Bolalar neyroxirurgiyasi noyob mutaxassislikdir, chunki butun dunyo bo‘ylab cheklangan sondagi neyroxirurglar faqat bolalarni davolashga e’tiborini qaratishgan. Acıbadem shifoxonalar tarmog‘i tutqanoq va serebral falajni boshqarishdan tortib toki bosh miya shishlarini davolash va rivojlanishning tug‘ma nuqsonlarini bartaraf etishgacha qadar bolalar neyroxirurgiyasi bo‘yicha kompleks xizmatlarni taklif etadi. Acıbadem shifoxonalar tarmog‘ining bolalar neyroxirurgiyasi bo‘limi har yili dunyoning turli burchaklaridan kelgan 600 nafardan ortiq chaqaloq va bolalarda operatsiyalarni muvaffaqiyatli amalga oshiradi. Jaji kichkintoylarning sog‘ligidagi o‘zgarishlarga qarab, turli soha mutaxassislari bolalar neyroxirurgiyasi boshchiligida eng maqbul individual davolash strategiyasini ishlab chiqish uchun hamkorlik qiladilar. Bolalar xirurgiyasi, ortopediya, nevrologiya, onkologiya, radiatsion onkologiya, neyroradiologiya va fizioterapiya soha vakillari jonbozlik ko‘rsatadilar. Acıbadem shifoxonalar tarmog‘ida bolalarda natijalarni optimallashtirish uchun operatsiyadan so‘ng davolashning muhim tarkibiy qismlari: neyroxirurgiya, fizioterapiya va reabilitatsiya qo‘llaniladi. Ushbu bo‘lim bolalarni davolash uchun maxsus tashkil etilgan.

Acıbadem shifoxonalar tarmog‘ida 11 000 nafar bemor gamma-tig‘ yordamida davolandi

Gamma-tig‘ – bu bosh miya shishlari va arteriovenoz malformatsiyalar (AVM) kabi ba’zi nevrologik kasalliklarni jarrohlik amaliyoti yo‘li bilan davolashning muqobil usuli sanaladi. Gamma-tiğ nuri bosh miya kasallik o‘chog‘iga aniq yo‘naltiriladi va yetkazib beriladi. Acıbadem shifoxonalari tarmog‘idagi neyroxirurglar 2006-yilda mintaqada birinchi bo‘lib gamma-tiğni davolash usuli sifatida qo‘llashni boshladilar, so‘ngra qurilmaning yangilangan modellari 2012 va 2017 yillarda xarid qilindi. Hozirda Acıbadem markazining neyroxirurglari ushbu innovatsion texnologiyaning eng so‘nggisidan foydalanmoqda. Bu jarayonda butun dunyodan 11,000 dan ortiq bemor gamma-tiğ yordamida miyaning ochiq operatsiyasiga muhtoj bo‘lmasdan davolandi.

DBS jarrohligi Parkinson kasaliga chalingan bemorlarga mustaqil hayotini tiklashga yordam beradi

Parkinson kasalligi – bu neyroxirurglar uchun qiziqarli sohalardan biridir. U odatda qaltirashlar, yurishda qiyinchilik va mushaklarning qattiqligi kabi alomatlar bilan namoyon bo‘ladigan degenerativ kasallikdir. Bu kasallik bemorlarning hayot sifatini sezilarli darajada pasaytirishi mumkin.

Hayotni yaxshilash va harakatlarni nazorat qilishni tiklash maqsadida Acıbadem shifoxonalari tarmog‘ining neyroxirurgiya bo‘limida chuqur miyada stimulyatsiya (DBS) operatsiyasi qo‘llaniladi. Agar dori-darmonlar mushaklarning titrashi yoki qattiqligini davolashda samaradorligini yo‘qotgan bo‘lsa, bunday davolash muhim ahamiyatga ega bo‘ladi.

Bugungi kunga qadar 1000 ga yaqin muvaffaqiyatli DBS muolajalari o‘tkazildi, va Acıbadem neyroxirurglari o‘zlarining keng tajriba va ko‘nikmalarini namoyish etganliklari tufayli ushbu sohada yetakchilar sifatida tan olindi.

Nеvrologik kasalliklarni davolashda fanlararo yondashuv

Acıbadem shifoxonalari tarmog‘ining neyroxirurgiya bo‘limi bemorlarga, ham bolalar, ham kattalar uchun eng yaxshi va kompleks yordam ko‘rsatishga intiladi. Bunga shifokorlarning tajribasi va zamonaviy texnologiyalar yordamida erishilmoqda. Har bir bemor uchun eng yaxshi natijalarga erishish uchun neyroxirurglar boshqa soha mutaxassislari, jumladan, nevrologiya, radiologiya, ortopediya, radiatsion onkologiya, bolalar onkologiyasi, patologiya va fizioterapiya bo‘yicha mutaxassislar bilan hamkorlik qiladilar. Bu yondashuv bemorlarning kompleks ehtiyojlarini qondirishga yordam beradi. Acıbadem markazlari nevrologik kasalliklarni jarrohlik yo‘li bilan davolashni taklif etadi. Bu orqali bemorlar va ularning oila a’zolari talab va istaklariga javob bera oladigan xizmatlardan foydalanish imkoniga ega bo‘ladilar.

Turkiyadagi Acıbadem shifoxonalarida davolanishga oid o‘zingizni qiziqtirgan barcha savollar yuzasidan Acıbademning Toshkent, Samarqand va Buxorodagi vakolatxonasiga murojaat qilishingiz mumkin:

Toshkentdagi vakolatxonamizning manzili: Toshkent shahri, Mirzo Ulug‘bek tumani, Buyuk ipak yo‘li mavzesi, 19-uy.

Telefon: +998 95 144 54 45

Samarqanddagi vakolatxonamizning manzili: Samarqand shahri, Mirzo Ulug‘bek 140.

Telefon: +998 66 234 41 71

Buxorodagi vakolatxonamizning manzili: Akademik Muminov ko‘chasi, 7.

Telefon: +998 55 311 54 44

Rasmiy sayt orqali barcha kerakli maʼlumotlarga ega bo‘lishingiz mumkin: www.acibadem.com.ru

Shuningdek, qo‘shimcha maʼlumotlarni olish uchun, hamda tajribali va yuqori malakali shifokorlarning qabuliga yozilish uchun Acıbadem rasmiy Facebook va Instagram sahifalariga aʼzo bo‘lishingiz mumkin.

Reklama huquqi asosida.