Futbol bo‘yicha Angliya Kubogining 4-raundidan o‘rin olgan uchrashuvda “Leyton Oriyent” o‘z maydonida “Manchester Siti”ga mag‘lub bo‘ldi. O‘yinning 56-daqiqasida “shaharliklar” vakili Riko Lyuiz tepgan to‘p Abduqodir Husanovga tegib darvozaga yo‘l oldi.
Uchrashuvdan so‘ng Lyuis ushbu gol haqida fikrlarini bildirdi.
“Gol Husanovga yozildi va rostini aytsam, bu meni xursand qildi. Uning xursand bo‘lishi meni ham xursand qiladi. U jamoaga qo‘shilganida biroz qiyinchilikka duch keldi, ammo bugungi o‘yinda u juda yaxshi harakat qildi. U o‘yinni o‘qiy oladi va uzun paslarni yaxshi yetkazadi.
Garchi bu gol unga yozilgan bo‘lsa ham, men o‘zimga assistni hisoblayman. Ha, men u uchun xursandman!”, - deydi angliyalik futbolchi.
Sofascore nashri bahsda ishtirok etgan futbolchilar uchun qo‘yilgan baholarni e’lon qildi. Zaxiradan maydonga tushib muhim pallada gol urgan Abduqodir Husanov 7,8 ballga loyiq ko‘rildi.
“Shaharliklar” keyingi o‘yinni 11-fevral kuni Chempionlar Ligasi doirasida “Real”ga qarshi o‘tkazadi.
Izoh (0)