• USD12915.07
    • RUB156.43
    • EUR14659.9
    Daryo.uz - Login
    O‘zbekiston

    Andijonda xonadonlardan biri yonib ketdi (video)

    Andijon viloyati Oltinko‘l tumanida xonadonlardan biri yonib ketdi. Viloyat FVB holat yuzasidan ma’lumot berdi. 

    Unga ko‘ra, 19-fevral kuni soat 14:26 da Oltinko‘l tumani “Qo‘shtepa” MFYda joylashgan fuqaro I.Sh.ning yashash uyida yong‘in sodir bo‘layotgani haqida FVBga xabar kelib tushgan. Soat 14:32 da aytilgan manzilga yong‘in qutqaruv ekipajlari yetib borgan va soat 15:02 da sodir bo‘lgan yong‘in batamom o‘chirilgan.

    Hodisa natijasida aholi yashash xonadonining 40 m/kv maydonda shift, tom qismi yonib zararlangan. Tan jarohati olish holatlari qayd etilmadi.

    Hozirda yong‘in sodir bo‘lishi omillari va moddiy zarar miqdori aniqlanmoqda.

    So‘nggi vaqtlarda sodir bo‘lgan yong‘inlar

    2024-yil 13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan “Miran” mehmonxonasining qurilishi davom etayotgan eski binosida yong‘in chiqdi.

    Shuningdek, 20-oktyabr kuni soat 16:54 da Shayxontohur tumanidagi “Bildirish” tor ko‘chasida joylashgan xonadonlarda yong‘in sodir bo‘ldi.

    Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi.

    20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.

    31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.

    17-fevral kuni esa Sirdaryo viloyati Shirin shahrida sodir bo‘lgan yong‘indan 3 nafar voyaga yetmagan bolalar qutqarilgandi.

    #yonib#xonadon

    Javob qoldiring

    Mavzuga doir

    ×Lightbox Image