Bugun O‘zbekiston Milliy axborot agentligi – O‘zA tashkil etilganiga 33 yil bo‘ldi.
Agentlik solnomasi 1918-yili Toshkentda RosTA bo‘limi ochilganidan boshlanadi. Keyinchalik u TASS tizimidagi O‘zTAG – Respublika Telegraf Axborot agentligiga aylantirildi. Prezident farmoniga asosan 1992-yil 5-fevral kunidan eʼtiboran agentlik O‘zbekiston Milliy axborot agentligi (O‘zA) sifatida qayta tashkil etildi.
2019-yil 2-dekabrdagi Shavkat Mirziyoyevning “O‘zbekiston Milliy axborot agentligi faoliyatini yanada takomillashtirish chora-tadbirlari to‘g‘risida”gi qaroriga ko‘ra, O‘zA — O‘zbekiston Milliy axborot agentligi respublika hayotiga oid ijtimoiy-siyosiy axborotlarni tarqatuvchi rasmiy axborot agentligi ekani qayd etildi va agentlik faoliyati qaytadan takomillashtirildi.
O‘zA axboroti o‘zbek, rus, ingliz, fransuz, nemis, ispan, arab, qozoq va xitoy tillarida tarqatiladi.
Agentlik faqat rasmiy xabarlar bilan cheklanib qolmasdan, tahliliy maqola, intervyu, reportaj va tanqidiy materiallar tayyorlashga ham alohida eʼtibor qaratmoqda.
“Brand Analytics” ijtimoiy tarmoqlarning faol auditoriyasi bo‘yicha o‘tgan yilning oktyabr oyi tadqiqot natijalarini taqdim qilgandi. Unda O‘zbekistonda ijtimoiy tarmoqlarda eng ko‘p havola qilingan ommaviy axborot vositalari reytingi ham eʼlon qilindi. O‘zA unda uchinchi o‘rinda qayd etildi.
Izoh (0)