Бугун Ўзбекистон Миллий ахборот агентлиги – ЎзА ташкил этилганига 33 йил бўлди.
Агентлик солномаси 1918 йили Тошкентда РосТА бўлими очилганидан бошланади. Кейинчалик у ТАСС тизимидаги ЎзТАГ – Республика Телеграф Ахборот агентлигига айлантирилди. Президент фармонига асосан 1992 йил 5 февраль кунидан эътиборан агентлик Ўзбекистон Миллий ахборот агентлиги (ЎзА) сифатида қайта ташкил этилди.
2019 йил 2 декабрдаги Шавкат Мирзиёевнинг “Ўзбекистон Миллий ахборот агентлиги фаолиятини янада такомиллаштириш чора-тадбирлари тўғрисида”ги қарорига кўра, ЎзА — Ўзбекистон Миллий ахборот агентлиги республика ҳаётига оид ижтимоий-сиёсий ахборотларни тарқатувчи расмий ахборот агентлиги экани қайд этилди ва агентлик фаолияти қайтадан такомиллаштирилди.
ЎзА ахбороти ўзбек, рус, инглиз, француз, немис, испан, араб, қозоқ ва хитой тилларида тарқатилади.
Агентлик фақат расмий хабарлар билан чекланиб қолмасдан, таҳлилий мақола, интервью, репортаж ва танқидий материаллар тайёрлашга ҳам алоҳида эътибор қаратмоқда.
“Бранд Analytics” ижтимоий тармоқларнинг фаол аудиторияси бўйича ўтган йилнинг октябрь ойи тадқиқот натижаларини тақдим қилганди. Унда Ўзбекистонда ижтимоий тармоқларда энг кўп ҳавола қилинган оммавий ахборот воситалари рейтинги ҳам эълон қилинди. ЎзА унда учинчи ўринда қайд этилди.
Изоҳ (0)