Surxondaryo viloyatining Qiziriq tumanida hokim yordamchisi 33 mln so‘mlik kreditdan ikki marta olib berish evaziga 4,5 mln so‘m pora olayotganda ushlandi. Bu haqda “Zamon” dasturida xabar berildi.
Qiziriq tumanidagi “Yakkaterak” MFYda ishlagan hokim yordamchisi fuqaroga 33 mln so‘mlik imtiyozli kreditdan ikki marta (jami 66 mln so‘m) olib berishni vaʼda qilgan.
Buning evaziga undan 4,5 mln so‘m pora olgan. O‘tkazilgan tezkor tadbirda hokim yordamchisi qo‘lga olindi.
Jinoyat ishlari bo‘yicha Qiziriq tumani sudi hukmiga ko‘ra, ayblanuvchiga Jinoyat kodeksining 45-moddasi qo‘llanib, 168-moddasi 3-qismi “v” bandi (firibgarlik xizmat mavqeyidan foydalangan holda) bilan 2 yilga axloq tuzatish ishlari jazosi qo‘llandi.
Shuningdek, u rahbarlik va moddiy javobgarlik talab etiladigan lavozimlarida ishlay olmaydi va daromadining 20 foizi ushlab qolinadi.
Avvalroq Toshkentning Uchtepa tumanida hokim yordamchisi 30 ming dollar olayotganida ushlangandi.
Izoh (0)