Savdo-sanoat palatasi Navoiy viloyati boshqarmasi boshlig‘i ikki jinoyatdan gumonlanmoqda. Bu haqda Bosh prokuratura matbuot kotibi “Daryo”ga xabar berdi.
Unga ko‘ra, Savdo-sanoat palatasi Navoiy viloyati boshqarmasi boshlig‘i M.O.ga nisbatan jinoyat ishi qo‘zg‘atilgan. U firibgarlik jinoyatini sodir qilganlikda gumonlanmoqda.
Xabar berilishicha, u Navoiy shahar hokimi orqali yer maydoni olib berishni vaʼda qilib, quruvchi tadbirkordan katta miqdorda pul olgan.
Holat yuzasidan Jinoyat kodeksining 168 (firibgarlik) va 28, 211-moddalari (pora berish) bilan jinoyat ishi qo‘zg‘atilgan. Navoiy viloyati prokuraturasi tomonidan tergov harakatlari olib borilmoqda.
Gumonlanuvchi M.O. bir oy avval, joriy yilning martida ushbu lavozimga tayinlangan. U 1997-yili Navoiy viloyati, Nurota tumanida tug‘ilgan. Oliy maʼlumotli. “Zulfiya” nomidagi Davlat mukofoti bilan taqdirlangan. Navoiy davlat pedagogika institutini tamomlagan. Tayinlovga qadar “Zarafshon” MFYda hokim yordamchisi vazifasida ishlab kelgan.
Izoh (0)