Kolumbiyalik futbolchii Brayan Riaskos “Paxtakor” bilan shartnoma imzoladi. Bu haqda klub matbuot xizmati xabar berdi.
Maʼlum qilinishicha, shartnoma bir yilga tuzilgan.
Futbolchi faoliyati davomida Braziliyaning “Flamengo”, “Bragantino”, Portugaliyaning “Trofense”, “Famalikan”, “Oliveyrense”, “Nasional”, “Maritimu”, Kolumbiyaning “Atletiko Uila”, Ukrainaning “Metallist”, Shveysariyaning “Grasxoppers”, Saudiyaning “Halij”, Turkiyaning “Gaziantep” va Xitoyning “Sindao” klublarida o‘ynagan.
“Sindao” klubida 16 ta o‘yinda 6 ta gol urgan hujumchi “Paxtakor” safida 94-raqamda o‘ynaydi. 30 yoshli hujumchi jamoaning Antaliyada o‘tayotgan yig‘iniga qo‘shildi.
“O‘zbekistonning eng kuchli jamoasida to‘p tepishimdan xursandman. Tug‘ilgan yilimga monand 94-raqamni tanlayman va ”Paxtakor“ muxlislarini o‘z gollarim bilan xursand qilaman”, — deydi Riaskos.
Izoh (0)