Futbol bo‘yicha “Paxtakor” jamoasi OFK Elit Chempionlar Ligasi 4-turida Qatarning “Ar-Rayyan” jamoasiga qarshi bahs olib boradi.
Uchrashuv oldidan “sherlar”ning vaqtinchalik murabbiyi Kamoliddin Tojiyev va futbolchi Abdurauf Bo‘riyev ishtirokida matbuot anjumani o‘tkazildi.
Bizni ertaga muhim va qiziqarli o‘yin kutib turibdi. Hozirgacha biz duch kelgan raqiblar orasida “Rayyan” eng kuchli jamoa deb o‘ylayman. Muxlislarga yoqadigan futbol namoyish etishga harakat qilamiz. Bu jamoaning hujum chizig‘idagi futbolchilari juda kuchli.
Ushbu turnirda ochiq futbol o‘ynash oson emas. Shu sababli raqibni o‘rganib chiqib, ularning kuchli taraflarini berkitishga harakat qilamiz.
Shuningdek, Bo‘riyev ham bo‘lajak bahs haqida o‘z fikrlari bilan o‘rtoqlashdi:
Bizni ushbu musobaqada yana bir jiddiy raqibga qarshi bahs urinamiz. Jarohat olganimdan keyin tez orada mashg‘ulotga qaytdim. Dastlabki paytda ozroq qiyinchilik bo‘ldi, lekin hozir qo‘lim yaxshi holatda. Hech qaysi jamoadan qo‘rqmaymiz, o‘zimizni ko‘rsata olamiz. Yurtimiz sha’nini munosib himoya qilishga borimizni beramiz.
Eslatib o‘tamiz, “Paxtakor” 1-turda “Al-Vasl”ga 0:1 hisobida mag‘lubiyatga uchragan edi. 2-turda esa “Persepolis” bilan 1:1 hisobida durang qayd etilgandi.
3-turda esa “Paxtakor” “Shorta” bilan 0:0 hisobida durang o‘ynadi.
Izoh (0)