Toshkentning “Paxtakor” jamoasi o‘z safiga legioner futbolchini qo‘shib oldi.
Pedro Moreyro boshqaruvidagi poytaxt klubi o‘z safiga Iroq terma jamoasi a’zosi Bashar Resanni qo‘shib oldi.
Iroqlik futbolchi terma jamoa sardori ham hisoblanadi. Shartnoma 1+1 ko‘rinishida imzolandi.. 27 yoshli yarim himoyachi klublar va milliy terma jamoada 100 dan ortiq xalqaro uchrashuvlarda maydonga tushgan. Faoliyati davomida Iroqning “Al Quva Al Javiya”, Eronning “Persepolis”, Qatarning “Qatar” SK va “Markiya” klublarida o‘ynagan. Iroq va Eron chempioni bo‘lgan Resan OFK Kubogida g‘olib bo‘lib, Osiyo Chempionlar Ligasida ikki bor finalga chiqqan.
Iroq terma jamoasi safida 56 o‘yinda 4 gol muallifiga aylangan.
Ma’lumot uchun, “Paxtakor” klubi 3-yanvar kuni Turkiyaning Antaliya shahriga qishki yig‘in o‘tkazish uchun jo‘nab ketadi.
Izoh (0)