Колумбиялик футболчии Брайан Риаскос “Пахтакор” билан шартнома имзолади. Бу ҳақда клуб матбуот хизмати хабар берди.
Маълум қилинишича, шартнома бир йилга тузилган.
Футболчи фаолияти давомида Бразилиянинг “Фламенго”, “Брагантино”, Португалиянинг “Трофенсе”, “Фамаликан”, “Оливейренсе”, “Насионал”, “Маритиму”, Колумбиянинг “Атлетико Уила”, Украинанинг “Металлист”, Швейцариянинг “Грасхопперс”, Саудиянинг “Ҳалиж”, Туркиянинг “Газиантеп” ва Хитойнинг “Синдао” клубларида ўйнаган.
“Синдао” клубида 16 та ўйинда 6 та гол урган ҳужумчи “Пахтакор” сафида 94-рақамда ўйнайди. 30 ёшли ҳужумчи жамоанинг Анталияда ўтаётган йиғинига қўшилди.
“Ўзбекистоннинг энг кучли жамоасида тўп тепишимдан хурсандман. Туғилган йилимга монанд 94-рақамни танлайман ва ”Пахтакор“ мухлисларини ўз голларим билан хурсанд қиламан”, — дейди Риаскос.
Изоҳ (0)