“Milliy tiklanish” partiyasi rahbari Alisher Qodirov gazni uy isitish va ovqat pishirishga ishlatish emas, xorijga sotib, ish o‘rni yaratish kerak deb hisoblaydi.
“Gaz qimmat resurs, 1 kub gazdan 10 ga yaqin yuqori qiymatli, eksportbop mahsulot ishlab chiqarish, xorijga sotish va uning puliga millionlab qorako‘zlarimizga ish o‘rni yaratish mumkin. Tilla qatori milliardlab kub gazni uy isitish va ovqat pishirishga ishlatib yuboradigan xalqni kosasi oqarmaydi”, deb yozdi deputat o‘z sahifasida.
Uning ta’kidlashicha, elektr energiyasi ishlab chiqarishni ko‘paytirib, gaz o‘rniga elektr energiyasi ishlatishni o‘rganish kerak.
“Yangi quriladigan uylarda energiya manbasi sifatida faqat elektr energiyasini rag‘batlantirish taklifini qo‘llab-quvvatlaymiz”, deydi Alisher Qodirov.
23-yanvar kuni prezident raisligida bo‘lib o‘tgan videselektor yig‘ilishida 18 ming xonadon gazda individual isitiladigan qilib qurilgani uchun foydalanishga qabul qilinmay turgani aytilgandi. Mutasaddilarga ishchi guruhi tuzib, har bir holatni o‘rganib, masalaning yechimi bo‘yicha hukumatga taklif kiritish topshirildi. Bu yil 135 ming xonadonli ko‘p qavatli uylarni markazlashgan holda isitiladigan, ovqat pishirish esa elektr plitasi orqali bo‘ladigan qilib qurish zarurligi qayd etildi.
Izoh (4)
Qovunchi yana qovun ekibdida
Qaysi miyya bilan shu gapni aytish mumkin hurmatli qoʻshtirnoq ichidagi amaldorlar oddiy xalqni ham oʻylanglar sizlar oʻzlaringni hayoting bilan qishloq hayotini tenglashtirmanglar
Qayerga qarap ketvomiz bu insonni oʻzi shu sharoitda yashay oladimi ota onamiz ovotgan oylik faqat kamunalga ham yetmiydiyu sal oddiy xalqni ham oʻylanglar
яхши эмас. электр жудддаям киймат