“Миллий тикланиш” партияси раҳбари Алишер Қодиров газни уй иситиш ва овқат пиширишга ишлатиш эмас, хорижга сотиб, иш ўрни яратиш керак деб ҳисоблайди.
“Газ қиммат ресурс, 1 куб газдан 10 га яқин юқори қийматли, экспортбоп маҳсулот ишлаб чиқариш, хорижга сотиш ва унинг пулига миллионлаб қоракўзларимизга иш ўрни яратиш мумкин. Тилла қатори миллиардлаб куб газни уй иситиш ва овқат пиширишга ишлатиб юборадиган халқни косаси оқармайди”, деб ёзди депутат ўз саҳифасида.
Унинг таъкидлашича, электр энергияси ишлаб чиқаришни кўпайтириб, газ ўрнига электр энергияси ишлатишни ўрганиш керак.
“Янги қуриладиган уйларда энергия манбаси сифатида фақат электр энергиясини рағбатлантириш таклифини қўллаб-қувватлаймиз”, дейди Алишер Қодиров.
23 январь куни президент раислигида бўлиб ўтган видеселектор йиғилишида 18 минг хонадон газда индивидуал иситиладиган қилиб қурилгани учун фойдаланишга қабул қилинмай тургани айтилганди. Мутасаддиларга ишчи гуруҳи тузиб, ҳар бир ҳолатни ўрганиб, масаланинг ечими бўйича ҳукуматга таклиф киритиш топширилди. Бу йил 135 минг хонадонли кўп қаватли уйларни марказлашган ҳолда иситиладиган, овқат пишириш эса электр плитаси орқали бўладиган қилиб қуриш зарурлиги қайд этилди.
Изоҳ (4)
Qovunchi yana qovun ekibdida
Qaysi miyya bilan shu gapni aytish mumkin hurmatli qoʻshtirnoq ichidagi amaldorlar oddiy xalqni ham oʻylanglar sizlar oʻzlaringni hayoting bilan qishloq hayotini tenglashtirmanglar
Qayerga qarap ketvomiz bu insonni oʻzi shu sharoitda yashay oladimi ota onamiz ovotgan oylik faqat kamunalga ham yetmiydiyu sal oddiy xalqni ham oʻylanglar
яхши эмас. электр жудддаям киймат