Puerto Rikoda 30-dekabrdan 31-dekabrga o‘tar kechasi avariya natijasida mamlakatdagi barcha elektr stansiyalari ishdan chiqib, umumiy elektr ta’minotida uzilish yuz berdi.
El Nuevo Dia gazetasining yozishicha, avariya orol janubidagi Guayanilla munitsipalitetida joylashgan elektr stansiyasida sodir bo‘lgan.
Mamlakatning asosiy elektr stansiyasi Luma Energy yerosti kabellari shikastlanishi mumkinligi haqida xabar bermoqda, biroq mamlakatdagi barcha elektr stansiyalarini ishdan chiqargan avariyaning aniq sabablari hozircha noma’lum.
Elektr energiyasi ishlab chiqaruvchi Genera PR kompaniyasining rasmiy vakili Ivan Baes 31-dekabr kuni elektr ta’minoti mamlakatning ayrim hududlarida tiklana boshlaganini aytdi. Biroq Luma Energy tiklash jarayoni bir necha kun davom etishi mumkinligidan ogohlantirgan.
Hozirda Puerto Rikoda 1,3 milliondan ortiq aholi elektrsiz qolmoqda. Ma’lumot uchun, mamlakat aholisi 3,2 milliondan sal ko‘proqni tashkil qiladi.
Izoh (0)