Ekvadorda 19-iyun kuni yuz bergan energiya tizimidagi halokat tufayli 17 million kishi elektr tarmog‘idan uzilib qoldi. Bu haqda CNN nashri xabar berdi.
Rasmiylarning taʼkidlashicha, tarmoqdagi uzilish shifoxonalar, uy-joylar va metro tizimiga taʼsir qilgan. Elektr uzilishiga mamlakat energiya tizimidagi texnik xizmat ko‘rsatish va uzatish muammolari sabab bo‘lgan.
Jamoat infratuzilmasi vaziri Roberto Luke chorshanba kuni bo‘lib o‘tgan matbuot anjumanida holat yuzasidan qisqa bayonot eʼlon qilgan. Energiya uzilishlari texnik xizmat ko‘rsatish pastligi va elektr uzatish infratuzilmasini saqlab turish uchun investitsiyalarning etishmasligi bilan bog‘liq ekanligi maʼlum qilingan.
Avariyadan so‘ng hukumat darhol tizimni qayta tiklashga kirishgan. Hozirda mamlakatning 95 foiz hududida tizim qayta ishga tushgan.
Ekvadorda bu kabi energiya muammolari muntazam kuzatiladi. So‘nggi yirik o‘chirilish 2024-yilning aprelida kuzatilgan. Hukumat favqulodda bayonot eʼlon qilib, mamlakatda 8 soatga elektrni o‘chirgan. Hodisaga yirik energiya saqlash tizimlari ishdan chiqishi va ularni qayta tiklash zarurati yuzaga kelishi sabab bo‘lgan.
Qator rasmiylari hukumatni ushbu kabi muammolarda bosh aybdor sifatida ko‘rsatgan. Mamlakat rahbariyatini o‘tkir iqtisodiy muammolar turganda ikkilamchi masalalarga eʼtibor qaratishda ayblagan.
19-iyun kuni yuz bergan blekaut mamlakat bo‘yicha taxminan 2 soat davom etgan. Shu ikki soat davomida yirik infratuzilma obyektlari, xususan, aeroportlar va harbiy muassasalar ham tarmoqdan uzilib qolgan.
Izoh (0)