O‘zbekiston bosh vaziri o‘rinbosari — energetika vaziri Jo‘rabek Mirzamahmudov energiya ta’minotidagi uzilishlar yuzasidan jamoatchilikka murojaat qilib, holatga izoh berdi.

Shifoxonalar, tug‘ruqxonalarda elektr energiyasidan uzilishlar kuzatilmoqda, ular qo‘shimcha transformatorlar bilan ta'minlanmaganmi?

— Elektr energiyasiga cheklovlar kiritilganda kasalxonalar, shu kabi muassasalarni iloji boricha, maksimal ravishda cheklovlarga kiritmaslik ko‘zda tutilgan. Lekin avariyali o‘chish holatlarida barcha shifoxonalarda dizel generatori, ya’ni muqobil energiya ta’minoti bo‘lishi shart. Buni hukumat komissiyasi, joylardagi tegishli ishchi organlar doimiy ravishda nazorat qilib boryapti.

Masalan, kuni kecha o‘tkazilgan o‘rganish ishlarida Farg‘ona vodiysidagi juda ko‘p shifoxonalarda generatorlar yo‘q ekani yoki ta’mirtalab ekani aniqlandi. Hozir tegishli hukumat farmoyishi tayyorlanib, sog‘liqni saqlash tizimiga ajratilgan mablag‘lar doirasida generatorlarni ta’minlash choralari ko‘rilyapti, — deydi Jo‘rabek Mirzamahmudov.

Mavzuga doir:

• O‘zbekistonda yanvardagi kabi blekaut takrorlanishi mumkinmi? Energetika vaziri bunga aniqlik kiritdi
• “Benzin narxlarini asossiz oshirgan, markasini aldab sotgan AYOQSHlarga chora ko‘riladi” — energetika vaziri
• “Elektr yoki gazdan noqonuniy foydalanish holati haqida xabar berganlarni rag‘batlantirish kerak” — energetika vaziri o‘rinbosari