Bitta ham xatoga yo‘l qo‘ymagan holda film yaratish juda qiyin vazifa. Shunday filmlar borki, qayta-qayta ko‘rsangiz ham syujeti qiziqligidan bunday kamchiliklarni payqamay qolasiz.
“Brilliant qo‘l”, 1968-yil
Kozodoyevning Gorbunkovlar oilasini muzqaymoq bilan mehmon qilgani va gullar bergani afsonaviy sahna. Kadr boshida Gennadiy 2 ta qizil atirgul va 2 ta muzqaymoq olib keladi. Ammo birozdan so‘ng atirgullarga yana bir oq atirgul qo‘shilgani va muzqaymoq allaqachon idishlarda ekanligi ma’lum bo‘ladi.
“I operatsiyasi va Shurikning boshqa sarguzashtlari”, 1965-yil
Film boshida Shurik yomg‘ir ostida shalabbo bo‘ladi. Ammo bir necha daqiqadan so‘ng u avtobusga chiqqanida, sochlari butunlay quruq, ko‘ylagida esa ozgina yomg‘ir izlari bor xolos.
“Ikki kishilik vokzal”, 1982-yil
Vera va Platon stolda gaplashmoqda. E’tibor bering, kadr almashganda stoldagi narsalar joyi ham o‘zgaradi.
“Kavkaz asirasi yoki Shurikning yangi sarguzashtlari”, 1967-yil
Yuziga niqob taqilgan Edik shpritsni sug‘urib olmoqchi bo‘lib, qo‘llariga tupuradi.
“Ivan Vasilyevich o‘z kasbini o‘zgartiradi”, 1973-yil
Ivan Grozniyning xizmatkorlari soxta podshohni fosh qilgan va ovqat otish boshlangan paytni eslaysizmi? Shunday qilib, idish-tovoq ham, dasturxondagi ovqatlar ham uloqtiriladi. Ammo birozdan keyin xuddi shu xona ko‘rsatilganda, u deyarli top-toza bo‘ladi, stullar ham qayoqqadir yo‘qoladi.
“Ishdagi ishq”, 1977-yil
Verochkaning manikyuriga qarang. Lyudmila Prokofyevna undan kiyinish bo‘yicha maslahat so‘raganida, tirnoqlariga qizil lak surtilgani aniq ko‘rinib turadi. Ammo ular birozdan keyin majlislar zaliga o‘tishganda, kotibaning tirnoqlarida marvaridrang lakni ko‘rish mumkin.
Shuningdek, Novoseltsev Kaluginani qabul qilishini kutayotganda kotiba jigarrang papka bilan boshliqning kabinetiga kiradi. Ichkariga kirgach, uning qo‘lida hech narsa yo‘qligi aniq ko‘rinadi. Ammo u yana jigarrang papka bilan chiqib ketadi.
Novoseltsev boshlig‘iga yashirincha beradigan guldasta ham o‘zgarib turadi. Avvaliga gullar Prokofyevnaning ish kabinetida turadi. Keyinchalik Kaluginaning uyida xuddi shu guldastani ko‘ramiz. Gullarni ishxonasidan olib kelgan, deyishingiz mumkin. Ammo ertasi kuni guldasta yana uning kabinetida paydo bo‘lib qoladi.
Izoh (0)