Futbol bo‘yicha Ispaniya hamda Braziliya terma jamoalari o‘rtoqlik o‘yinida 26-mart, seshanba kuni bahs olib bordi. Madridda o‘tgan uchrashuv jangovar durang bilan yakunlandi.
Ispaniyalik yosh vinger Yamal Ispaniya terma jamoasining asosiy tarkibida maydonga tushdi va har uchala golli vaziyatda ishtirok etdi. Ikkinchi bo‘limning qo‘shib berilgan vaqtida o‘zgartirilgan futbolchini muxlislar olqishlar bilan kuzatib qo‘ydi.
Eslatib o‘tamiz, 12-daqiqada “Barselona” futbolchisi jamoasi uchun penalti ishlab oldi. Braziliya darvozasiga belgilangan penaltini yarim himoyachi Rodrigo Ernandes golga aylantirdi. 36-daqiqada ispanlar ikkinchi golni urishdi. Gol muallifi Olmoga Yamal hammualliflik qildi. Uchrashuvning 87-daqiqasida Ispaniya yana penaltini golga aylantirdi. Bu safar braziliyaliklar Karvaxalga nisbatan qo‘pollik qildi. Unga esa to‘pni Lamin Yamal oshirgan edi. Mehmonlar safida Rodrigo, Endrik va Paketa javob to‘plarini yo‘llashdi.
Shu tariqa “Barselona” futbolchisi “Real Madrid”ning uy maydoni bo‘lmish “Santyago Bernabeu” stadionida olqishlar oldi.
Joriy mavsumda ispaniyalik futbolchi “Barselona” safida barcha musobaqalarda 39 ta o‘yin o‘tkazib, 6 ta gol va 7 ta golli uzatmaga mualliflik qilgan. Transfermarkt internet portaliga ko'ra, Yamalning bozor qiymati 75 million yevroni tashkil qiladi.
O‘rtoqlik uchrashuvi
26-mart, seshanba
Ispaniya — Braziliya 3:3
Gollar: 1:0 — 12 Rodri, 2:0 — Olmo, 2:1 — 40 Rodrigo, 2:2 — 50 Endrik, 3:2 — 87 Rodri, 3:3 — 90 Paketa.
Ispaniya: Unai Simon, Karvaxal, Laport, Le Norman (Kubarsi, 81), Kukurelya, Fabian Ruis, Rodri, Olmo, Uilyams (Sanset, 89), Yamal (Navas, 90+2), Morata (Oyarsabal, 81).
Braziliya: Bento, Danilo (Yan Kouto, 46), Fabrisio Bruno, Lukas Beraldo, Vendell, Lukas Paketa, Bruno Gimaraes (Andre, 46), Gomes (Pereyra, 46), Rafinya (Endrik, 46), Vinisius Junior (Duglas Luis, 71), Rodrigo (Galeno, 82).
Ogohlantirishlar: Le Norman (34), Laport (42), Gimaraes (42), Fabrisio Bruno (50), Karvaxal (51), Lukas Paketa (58), Endrik (78), Pereyra (85), Beraldo (90+3).
Izoh (0)