Futbol bo‘yicha Yevropa Chempionatining chorak finalida Ispaniya va Germaniya terma jamoalari 5-iyul, juma kuni o‘zaro bahs olib bordi.
Uchrashuvning birinchi bo‘limida darvozalar ishg‘ol etilmadi. Ikkinchi bo‘lim boshida esa ispanlar hujum uyushtirib, hisobni ochdi. Yamalning pasini Dani Olmo golga aylantirdi.
O‘yin oxirida esa Florian Virts hisobni tenglashtirishga muvaffaq bo‘ldi.
Shu tariqa jamoalar qo‘shimcha bo‘limlarga murojaat qildi. Qo‘shimcha bo‘limlarning oxirida esa Mikel Merino ispanlarga g‘alaba keltiruvchi gol muallifiga aylandi.
Shu tariqa Ispaniya 120 daqiqa davom etgan o‘yinda g‘alabani qo‘lga kiritib, yarim finalga yo‘l oldi.
Yevro—2024
Chorak final
5-iyul, juma
Ispaniya – Germaniya 2:1
Gollar: 1:0 – 51 Olmo, 1:1 – 89 Virts, 2:1 — 119 Merino.
Ispaniya: Unai Simon, Karvaxal, Laport, Le Norman (Nacho, 46), Kukurelya, Fabian Ruis (Xoselu, 102), Rodri, Pedri (Olmo, 8), Uilyams (Merino, 80), Yamal (Ferran Torres, 63), Morata (Oyarsabal, 80).
Germaniya: Noyer, Ryudiger, Ta (Myuller, 80), Raum (Mittelshtedt, 57), Kroos, Gundogan (Fyullkrug, 57), Jan (Andrix, 46), Kimmix, Haverts (Anton, 90), Sane (Virts, 46), Musiala.
Ogohlantirishlar: Ryudiger (13), Raum (28), Le Norman (29), Andrix (56), Kroos (67), Mittelshtedt (73), Ferran Torres (74), Unai Simon (82), Shlotterbek (90), Virts (94), Karvaxal (100).
Chetlatish: Karvaxal (120+5).
Izoh (0)