UEFA talqiniga ko‘ra Yevro—2024 turnirining ramziy terma jamoasi e’lon qilindi

UEFA Yevro—2024 ramziy terma jamoasini e’lon qildi.

Germaniya maydonlarida o‘tgan Yevropa Chempionatida Ispaniya terma jamoasi chempionlikni nishonladi. Berlindagi finalda ispanlar Angliya terma jamoasini 2:1 hisobida mag‘lub etdi.

Turnirning ramziy terma jamoasi har bir uchrashuvda ishtirok etgan UEFA kuzatuvchilari tahlili asosida tuzilgan. Qaror qabul qilishda o‘yinchilarning individual xususiyatlari va ularning jamoa o‘yiniga ta’siri hisobga olingan.

Darvozabon: Mayk Menyan (Fransiya);

Himoyachilar: Kayl Uoker (Angliya), Vilyam Saliba (Fransiya), Manuel Akanji (Shveysariya), Mark Kukurelya (Ispaniya);

Yarim himoyachilar: Rodri, Dani Olmo, Fabian Ruis (barchasi Ispaniya);

Hujumchilar: Jamal Musiala (Germaniya), Niko Uilyams, Lamin Yamal (ikkalasi ham Ispaniya).