“Manchester Siti” moliyaviy feyr-pley qoidalarini buzganlik bo‘yicha 130 ta holatda ayblanmoqda. Bu haqda The Times nashri xabar bermoqda.
Avvalroq klubga 115 ta qoidabuzarlik bo‘yicha ayblov qo‘yilgani ma’lum qilingandi.
Shuningdek, qarorlar yanvar oyida e’lon qilinishi mumkinligi, ammo apellyatsiya tufayli yakuniy hukm keyingi mavsumga qoldirilishi mumkinligi qayd etilgan. Shikoyatni ko‘rib chiqish uchun olti oydan sakkiz oygacha vaqt ketishi mumkin. Avval xabar qilinganidek, agar klubning quyi ligaga tushirib yuborish bo‘yicha qaror qabul qilinsa, ushbu qaror ijrosi appelyatsiya ko‘rib chiqilgunga qadar to‘xtatib turilishi mumkin.
Eslatib o‘tamiz, “Man Siti” to‘qqiz yil davomida — 2009 yildan 2018 yilgacha moliyaviy feyr-pley qoidalarini buzganlikda ayblanmoqda.
Joriy mavsumda “Manchester Siti” Angliya chempionatining 15 turidan 27 ochko jamg‘arib, to‘rtinchi o‘rinda bormoqda.
Izoh (0)