Belgiya terma jamoasi va Angliyaning “Manchester Siti” klubi futbolchisi Kevin De Bryuyne faoliyatini Shimoliy Amerika oliy ligasining (MLS) “Inter Mayami” klubi tarkibida davom ettirishi mumkin, deb xabar bermoqda Daily Star.
De Bryuynening “Manchester Siti” bilan shartnomasi 2025-yilning iyunida tugaydi va hozircha uzaytirish borasida muzokaralar olib borilmayapti. Avvalroq futbolchi Saudiya Arabistonining “Al-Ittihod” jamoasiga o‘tishi mumkinligi haqida xabarlar tarqalgandi.
Manbaga ko‘ra, 33 yoshli De Bryuyne “Inter Mayami” klubining egasi Devid Bekxemning asosiy transfer maqsadi bo‘lib, u belgiyalik futbolchini kelasi yozda erkin agent sifatida qo‘lga kiritmoqchi va u bilan muzokaralarni boshlashga harakat qilmoqda.
Ma’lumot uchun, De Bryuyne 2015-yildan buyun “shaharliklar” safida o‘ynab kelmoqda. Bu davr mobaynida u 265 ta uchrashuvda maydonga tushib, 70 ta gol urishga muvaffaq bo‘ldi.
Izoh (0)