Isroil sobiq bosh vaziri Netanyaxuni G‘azodagi operatsiyani cho‘zishda aybladi

Isroil sobiq bosh vaziri Naftali Benet amaldagi bosh vazir Binyamin Netanyaxu hukumatini G‘azodagi harbiy operatsiyani cho‘zayotganlikda aybladi.

U Bild nashriga bergan intervyusida mazkur harakatlar Eron uchun foydali ekanini aytgan.

“Hukumatning hozirgi strategiyasi urushni past intensivlikda uzaytirishdan iborat. G‘azoda urush yo‘q, u yerda juda oz askarlar bor”, dedi Benet.

Sobiq amaldorga ko‘ra, urushni yo oldini olish yoki tezda olib borish kerak.

“Biz urushni xohlamaymiz, lekin agar siz urushda g‘alaba qozonmoqchi bo‘lsangiz, bu juda shiddatli va juda qisqa bo‘lishi kerak. Bu har doim bizning strategiyamiz bo‘lib kelgan”, deya ta’kidlagan sobiq bosh vazir.

Uning qo‘shimcha qilishicha, Eron strategiyasi uzoq muddatda Isroil kuchlarini yo‘q qilishdir. Siyosatchining fikricha, “Isroil Eron ssenariysi bo‘yicha o‘ynamasligi lozim”.

Benet Netanyaxu va uning hukumatini G‘azodagi urushda tezda g‘alaba qozonishga yoki o‘t ochishni to‘xtatish bo‘yicha kelishuvga erishishga chaqirgan.