Shvetsiya prokuraturasi “Real” va Fransiya terma jamoasi futbolchisi Kilian Mbappening jinsiy zo‘ravonlik bo‘yicha gumon qilinayotgani bo‘yicha tergovni yetarlicha dalillar yo‘qligi sababli tugatdi.
Bu haqida Agence France-Presse X (sobiq Twitter) tarmog‘ida xabar berdi. Oktyabr oyida Kilianning Shvetsiyaga safari chog‘ida do‘stlari bilan tunab qolgan Stokgolm markazidagi mehmonxonada jinsiy zo‘ravonlik bo‘yicha shikoyat yuzasidan politsiya tekshiruvni boshlagani ma’lum bo‘lgandi. Mbappening o‘zi esa bu ma’lumotni yolg‘on deya atagan.
Futbolchi “Real”ga jinsiy zo‘ravonlik bo‘yicha ayblovlar ortida “PSJ” turganini aytib o‘tgandi.
Kilian joriy mavsum Ispaniya La Ligasida 15 ta o‘yinda ishtirok etib, 9 ta gol va bitta golli uzatmani amalga oshirdi. Shuningdek, Chempionlar Ligasida 6 ta o‘yinda 2 ta gol va bitta assistga mualliflik qildi.
Izoh (0)