Швеция прокуратураси “Реал” ва Франция терма жамоаси футболчиси Килиан Мбаппенинг жинсий зўравонлик бўйича гумон қилинаётгани бўйича терговни етарлича далиллар йўқлиги сабабли тугатди.
Бу ҳақида Agence France-Presse Х (собиқ Twitter) тармоғида хабар берди. Октябрь ойида Килианнинг Швецияга сафари чоғида дўстлари билан тунаб қолган Стокгольм марказидаги меҳмонхонада жинсий зўравонлик бўйича шикоят юзасидан полиция текширувни бошлагани маълум бўлганди. Мбаппенинг ўзи эса бу маълумотни ёлғон дея атаган.
Футболчи “Реал”га жинсий зўравонлик бўйича айбловлар ортида “ПСЖ” турганини айтиб ўтганди.
Килиан жорий мавсум Испания Ла Лигасида 15 та ўйинда иштирок этиб, 9 та гол ва битта голли узатмани амалга оширди. Шунингдек, Чемпионлар Лигасида 6 та ўйинда 2 та гол ва битта ассистга муаллифлик қилди.
Изоҳ (0)