Ijtimoiy tarmoqlarda noma’lum shaxs bir nechta yosh bolani xipchin bilan savalayotgani aks etgan video tarqalgandi. Bolalar ombudsmani holat yuzasidan ma’lumot berdi.
Unda aytilishicha, ichki ishlar organlari tomonidan zudlik bilan o‘rganilib, bir necha kun davomida o‘tkazilgan tekshiruv choralari natijasida ushbu videolavha Tojikistonning Xatlon viloyati Regar tumanida olingani aniqlandi.
Voyaga yetmagan bolalarning onasi ishlash maqsadida Rossiya ketgani, bolalar tog‘asining qaramog‘ida qolib tazyiq va zo‘ravonlikka uchragani ma’lum bo‘ldi.
Bu zo‘ravonlik holatiga Tojikiston huquqni muhofaza qiluvchi organlar tomonidan huquqiy baho berilmoqda.
Xabarda ta’kidlanishicha, Tojikistonning Xatlon viloyati O‘zbekistonning Surxondaryo viloyati Sariosiyo tumani bilan chegaradosh hisoblanib, punkt aholisining qariyb 70-75 foizini o‘zbek millatiga mansub fuqarolar tashkil etadi.
Izoh (0)