Ижтимоий тармоқларда номаълум шахс бир нечта ёш болани хипчин билан савалаётгани акс этган видео тарқалганди. Болалар омбудсмани ҳолат юзасидан маълумот берди.
Унда айтилишича, ички ишлар органлари томонидан зудлик билан ўрганилиб, бир неча кун давомида ўтказилган текширув чоралари натижасида ушбу видеолавҳа Тожикистоннинг Хатлон вилояти Регар туманида олингани аниқланди.
Вояга етмаган болаларнинг онаси ишлаш мақсадида Россия кетгани, болалар тоғасининг қарамоғида қолиб тазйиқ ва зўравонликка учрагани маълум бўлди.
Бу зўравонлик ҳолатига Тожикистон ҳуқуқни муҳофаза қилувчи органлар томонидан ҳуқуқий баҳо берилмоқда.
Хабарда таъкидланишича, Тожикистоннинг Хатлон вилояти Ўзбекистоннинг Сурхондарё вилояти Сариосиё тумани билан чегарадош ҳисобланиб, пункт аҳолисининг қарийб 70-75 фоизини ўзбек миллатига мансуб фуқаролар ташкил этади.
Изоҳ (0)