Ijtimoiy tarmoqda o‘ziga nisbatan uyatsiz buzuq harakatlar qilinganini aytayotgan voyaga yetmagan qiz bilan bog‘liq video tarqaldi. Mazkur holat Bolalar ombudsmani tomonidan alohida o‘rganilayotgani ma’lum qilindi.
Aniqlanishicha, 12-oktyabr kuni Qarshi shahrida yashovchi ayol 102 raqamli telefonga murojaat qilib, turmush o‘rtog‘i (2021-yildan u bilan birga yashab kelayotgan) ayolning 7 yashar qiziga nisbatan jinsiy zo‘ravonlik harakatlarini qilgani to‘g‘risida xabar bergan.
Holat yuzasidan Qarshi shahar IIB FMB huzuridagi Tergov bo‘limi darhol tergovga qadar tekshiruv boshlab, kechiktirib bo‘lmaydigan tergov harakatlarini olib bordi.
Bolaga nisbatan tegishli sud-tibbiyot ekspertizasi tayinlangan.
Mazkur holat bo‘yicha Bolalar ombudsmani bola manfaatlari nuqtayi nazaridan o‘z kuzatuvini davom ettirmoqda, deyiladi Bolalar ombudsmani axborotida.
Ta’kidlanishicha, ish borishi yuzasidan qo‘shimcha tarzda ma’lumot beriladi.
Avvalroq O‘zbekistonda bolalarga nisbatan oilaviy zo‘ravonlik sodir etganlik uchun javobgarlik belgilani xabar qilingan edi.
Izoh (0)