Hind kinosining mashhur melodramasi — “Vir va Zara” 2004-yilda rejissyor Yash Chopra tomonidan suratga olingan. Filmga Yash Chopraning o‘g‘li Aditya Chopra prodyuserlik qilgan. Filmda Hindiston Harbiy havo kuchlari mayori Vir Pratap Singx va pokistonlik siyosatchining qizi Zara Hayot Xonning achinarli taqdiri hikoya qilinadi. Unda Amitabh Bachchan, Hema Malini, Divya Dutta, Manoj Bajpayi, Boman Irani, Anupam Kher va Kirron Kher ham rol ijro etgan.
- Aslida “Vir va Zara” asos qilib olingan voqeaning o‘zi (ismlar, joylar) mavjud emas, lekin Hindiston va Pokiston o‘rtasidagi munosabatlar tiklanganidan keyin hind mahbuslarining ishlari qayta ko‘rib chiqilgani va ko‘plari uyga qaytishni boshlagani haqida shunga o‘xshash hikoyalar mavjud. Ammo Hindiston-Pokiston urushlari tarixi 50-yilga borib taqalgani sababli ko‘plab mahbuslar Vir bilan bir xil vaziyatga tushadi — qarigan rafiqalari, katta bo‘lgan bolalari yoniga qaytishadi.
- Mashhur bir voqeaga ko‘ra, hind askari Kashmir Singx 35 yillik qamoqdan so‘ng 65 yoshida uyga qaytgan, rafiqasi Paramjit Kaur esa yillar davomida uni kutgan. U bolalarni oyoqqa turg‘azish uchun og‘ir mehnat qilishga majbur bo‘lgan. Kashmir uyga qaytganida, bolalari u qamoqqa olingan yoshidan katta edi.
- Advokat qiz Samiya turma nazoratchisiga mahbus Virning 786 raqami “Xudoning ishorasi” deydi. Har bir harfning raqamli ma’nosini belgilaydigan arab tilidagi abjad hisobiga ko‘ra, 786 raqami Qur’onning birinchi bandidagi “Bismillahir rohmanir rohim” (“Muruvvatli va marhamatli Alloh nomi bilan”) jumlasining raqamli ma’nosidir.
- Qamoqxona kamerasidagi barcha sahnalar bir kunda suratga olingan.
- Dastlab film “Yeh Kahaan Aa Gaye Hum” deb nomlangan (“Muhabbat rishtalari” filmidagi qo‘shiq so‘zlari), ammo Yash Chopra “Vir va Zara” film kayfiyatini yaxshiroq yetkazishini tushunadi.
- Amristar bilan Lohur o‘rtasida hech qachon avtobus yo‘nalishi bo‘lmagan. Biroq film chiqqandan so‘ng sinov tariqasida shunday marshrut yo‘lga qo‘yiladi. Yo‘nalish sinovdan o‘tadi va 2006-yil 20-yanvarda doimiy ravishda ishga tushiriladi.
- “Vir va Zara” filmida Yash Chopra marhum bastakor Madan Mohan kuylaridan foydalangan. U yuzlab kuylardan 35 tasinigina saralab oladi, ulardan 11 tasini shaxsan o‘g‘li Aditya Chopra tanlagan.
- Samiya Siddiqiy obraziga real shaxs — inson huquqlari bo‘yicha pokistonlik faol va taniqli advokat Asme Jahongir prototip bo‘lgan.
- Dastlab Zara obrazi Ayshvariya Rayga mo‘ljallangan edi, lekin aktrisa bu rolni rad etadi.
- Lori bayrami Shukronalik kunining hindcha versiyasi bo‘lib, Hindistonda, ayniqsa Shimoliy Hindistonda juda mashhur hosil bayrami hisoblanadi. U yanvar oyining o‘rtalarida nishonlanadi. Aynan shu paytda Panjob dalalari allaqachon pishib yetilgan oltinrang bug‘doy bilan qoplangan, fermerlar o‘rim-yig‘im oldidan qisqa dam olish davrida hordiq chiqarishlari va bayram qilishlari mumkin bo‘lgan. Lori kunlari bolalar eshikma-eshik yurib, Dulla Battini madh etuvchi qo‘shiqlar aytishadi, buning evaziga shirinliklar, ba’zida esa pul olishadi. Dulla Batti — imperator Akbar davrida Hindistonda yashagan musulmon erkak. U Robin Gudning hindcha versiyasi — boylarni tunab, kambag‘allarga in’omlar bergan.
- Bundan tashqari, Dulla Batti Yaqin Sharqqa qullikka sotilishi kerak bo‘lgan qizlarni ozod qilib, ularni hind marosimlari bo‘yicha hind yigitlariga nikohlab qo‘yadi. Shunday qilib, u Panjob afsonasiga aylangan — Lori bayramidagi har bir qo‘shiqda Dullaga minnatdorlik so‘zlari bor. Lori bayramida katta gulxan yoqiladi, uning atrofida oila a’zolari, do‘stlar to‘planishadi.
- Filmdagi Shohruh Xonning barcha liboslarini Karan Joharning shaxsan o‘zi tanlagan.
Izoh (0)