Buyuk Britaniya Mudofaa vaziri Jon Xili “mudofaa sohasidagi atom reaktorlari uchun yadro yoqilg‘isi ishlab chiqarish”ni tiklash imkoniyatlari ko‘rib chiqilayotganini aytdi.
Shu bilan birga, u Londonning yadroviy majburiyatlarga sodiqligini va yadroviy qurollar uchun parchalanadigan materiallar ishlab chiqarishga ixtiyoriy moratoriyni yana bir bor tasdiqladi.
Hukumat mudofaa yadro yoqilg‘isi ishlab chiqarishni modernizatsiya qilishga sodiq. Biz ushbu dasturni amalga oshirish variantlarini ishlab chiqish uchun sanoat bilan hamkorlik qilishni boshlayapmiz, dedi Xili UK Defence Journal nashriga bergan intervyusida.
Vazirning aytishicha, yadroviy yoqilg‘i ishlab chiqarish sikli Buyuk Britaniyaning xalqaro majburiyatlariga, jumladan, Yadro qurolini tarqatmaslik to‘g‘risidagi shartnomaga mos keladi.
Buyuk Britaniyaning yadro bo‘yicha rejalari
Bahorda Buyuk Britaniya Energetika vazirligi yuqori navli boyitilgan uran yoqilg'isi ishlab chiqarish zavodi qurilishi uchun 196 million funt sterling ajratilishini e'lon qilgandi.
Korxona 2031-yilda foydalanishga topshirilishi rejalashtirilgan.
Buyuk Britaniya yadroviy qurolga qancha mablag‘ sarflaydi?
Yadro qurollarini bekor qilish bo‘yicha xalqaro kampaniya (ICAN) e’lon qilgan yangi hisobotga ko‘ra, yadroviy davlatlar so‘nggi besh yil ichida o‘z arsenallarini modernizatsiya qilib, yadroviy qurolga sarflanadigan xarajatlarni uchdan bir qismga oshirgan.
-LbKiUg4s-Uoa8PbqI.jpg)
ICAN ma’lumotlariga ko‘ra, to‘qqizta yadroviy davlat — AQSH, Xitoy, Hindiston, Rossiya, Fransiya, Buyuk Britaniya, Isroil, Pokiston va Shimoliy Koreya o‘tgan yili yadro arsenallariga jami 91 milliard dollar sarflagan. Bu mablag‘ning 51,5 milliard dollari AQSH ulushiga to‘g‘ri keladi. Ikkinchi o‘rinda Xitoy (11,8 milliard dollar), uchinchi o‘rinda Rossiya (8,3 milliard dollar) yetakchilik qilmoqda.
Buyuk Britaniya esa 2023-yilda yadro quroli uchun 8,1 mlrd dollar sarflagan.
Izoh (0)