Ispaniya hukumati suv toshqini uchun birinchi yordam paketi doirasida 10,6 milliard yevro (11,55 milliard dollar) ajratadi.
Bu haqda mamlakat bosh vaziri Pedro Sanches ma’lum qildi.
Suv toshqinidan jabr ko‘rganlarga yordam berish uchun kreditlar va grantlar ko‘rinishida mablag‘ ajratiladi.
Sanchesning aytishicha, hukumat o'tgan hafta 217 kishining hayotiga zomin bo'lgan suv toshqinidan jabr ko'rgan odamlarga to'g'ridan-to'g'ri 838 million yevrogacha naqd pul to'lashni ham rejalashtirmoqda.
Bundan tashqari, kichik va o'rta korxonalarga, shuningdek, uylarni ta'mirlash uchun - 60 ming yevrogacha yordam ko'rsatiladi.
Bosh vazirning qo‘shimcha qilishicha, hozirda 15 mingga yaqin huquq-tartibot idoralari xodimlari va harbiy xizmatchilar suv toshqini zonasida tozalash ishlarini olib bormoqda.
Izoh (0)