Kataloniyaning “Barselona” klubi rahbari Hans-Diter Flik Ispaniya La Ligasida oyning eng yaxshi murabbiyi deb topildi. Bu haqda liga rasmiy sayti xabar berdi.
Oktyabr oyida Flik boshchiligidagi “Barsa” klubi “Alaves” (3:0), “Sevilya” (5:1) va “Real”ni (4:0) mag‘lub etdi. Mutaxassis bu sovrinni ikkinchi marta qo‘lga kiritmoqda. Avvalroq murabbiy avgust oyida eng yaxshi deb topilgan edi.
Flik Kataloniya klubini 2024-yilning yozida qabul qilib olgandi. O‘tkazilgan 11 o‘yindan so‘ng “Barselona” 30 ochko bilan La Liga turnir jadvalida birinchi o‘rinda bormoqda. Keyingi turda Flik shogirdlari “Espanyol” bilan uchrashadi. Uchrashuv 3-noyabr kuni bo‘lib o‘tadi.
Izoh (0)