Қирғизистоннинг Ўзбекистондаги фавқулодда ва мухтор элчиси Муса Жаманбаев мамлакатдаги дипломатик миссиясини якунлаяпти. Бу ҳақда ташқи ишлар вазири Бахтиёр Саидов хабар берди.
Вазир элчи билан хайрлашув учрашувини ўтказди.
“Бугунги кунда давлатларимиз ўртасидаги ҳар томонлама стратегик шериклик барча соҳаларда мисли кўрилмаган суръатни намоён этмоқда. Икки давлат қардошлик ришталарини мустаҳкамлашга катта ҳисса қўшган жаноб элчига самимий миннатдорлигимизни билдириб, келгуси фаолиятида муваффақиятлар тиладик”, деб ёзади Бахтиёр Саидов.
2022 йилнинг ноябрь ойида Шавкат Мирзиёев Қирғизистон элчисидан ишонч ёрлиқларини қабул қилиб олганди. Давлат раҳбари янги тайинланган элчиларни самимий қутлаб, Ўзбекистонда дипломатик миссиясини бошлагани билан табриклаган эди.
Изоҳ (0)