Italiyalik mutaxassis Klaudio Ranyeri yana “Roma”ga qaytishi mumkin.
So‘nggi vaqtlarda ishlari o‘xshamayotgan rimliklar yangi murabbiy izlashni boshlagan. “Roma” A Seriyada 9-turdan so‘ng 10 ochko bilan 11-o‘rinda bormoqda.
Hozirda klubning qisqa ro‘yxatidan Edin Terzich, Mauritsio Sarri, Massimiliano Allegri hamda Klaudio Ranyeri nomzodlari joy olgan, deya xabar bermoqda La Gazzetta dello Sport. Nomzodlar ichida Ranyeri varianti eng maqbuli bo‘lmoqda.
Klaudio Ranyeri avval ham “Roma” bosh murabbiyi sifatida ishlagan. Mutaxassis 2009—2011 va 2019-yillarda Rim jamoasida faoliyat olib borgan. Qayd etib o‘tish kerak, Ranyeri futbolchilik faoliyatida ham “Roma”da (1973/74) to‘p surgan.
Hozirda “Kalyari” bosh murabbiyi sifatida faoliyat olib borayotgan Ranyeri o‘zbekistonlik futbolchi Eldor Shomurodovga ham begona emas. Eldor o‘tgan mavsumda murabbiy qo‘l ostida “Kalyari”da to‘p surgan.
Izoh (0)