11-may, shanba kuni futbol bo‘yicha Italiya chempionatining 36-tur bahslari boshlanadi.
Jennaro Gattuzo boshliq “Milan” klubi “Fiorentina” maydoniga safar qiladi. Uchrashuv Toshkent vaqti bilan soat 23:30 da boshlanadi. Eslatib o‘tamiz, “rossonerilar” avvalgi turda “Bolonya”ni mag‘lubiyatga uchratgandi (2:1).
12-may, yakshanba kuni musobaqa jadvalida ikkinchi o‘rinda borayotgan “Napoli” klubi mehmonda SPALga qarshi maydonga tushadi. Bellashuv soat 21:00 da start oladi. Ma’lumot uchun, neapolliklar 35-turda o‘z uyida “Kalyari”ni taslim qilgandi (2:1).
Shu kuni turning markaziy o‘yinida muddatidan avval chempionlikni nishonlagan Turinning “Yuventus” klubi Klaudio Ranyeri boshqaruvidagi Rimning “Roma” klubiga qarshi maydonga tushadi. O‘yin soat 23:30 da boshlanishi belgilangan. Qayd etish joiz, rimliklar oxirgi turda “Jenoa” bilan, “keksa sinyora” esa Turin derbisida “Torino” bilan durang o‘ynagandi (1:1).
13-may, dushanba kuni turning so‘nggi uchrashuvida musobaqa jadvalida 3-o‘rinda borayotgan Milanning “Inter” jamoasi “Juzeppe Meatssa” stadionida “Kyevo”ni sinovdan o‘tkazadi. Bahs soat 00:00 da boshlanishi belgilangan. Eslatib o‘tamiz, “nerradzurilar” 35-turda “Udineze” bilan durang o‘ynagandi (0:0).
35-turdan so‘ng musobaqa jadvalidagi holat:
A Seriya
36-tur bahslari
11-may, shanba
“Atalanta”—“Jenoa” 18:00
“Kalyari”—“Latsio” 21:00
“Fiorentina”—“Milan” 23:30
12-may, yakshanba“Torino”—“Sassuolo” 15:30
“Frozinone”—“Udineze” 18:00
“Sampdoriya”—“Empoli” 18:00
SPAL—“Napoli” 21:00
“Roma”—“Yuventus” 23:30
13-may, dushanba“Bolonya”—“Parma” 22:00
“Inter”—“Kyevo” 00:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)