Futbol bo‘yicha Italiya chempionatining 34-tur bahslariga 27-aprel sanasidan e’tiboran start beriladi.
Klaudio Ranyeri qo‘l ostidagi Rimning “Roma” klubi o‘z maydonida “Kalyari” bilan o‘ynaydi. Uchrashuv Toshkent vaqti bilan soat 21:00 da boshlanadi. Eslatib o‘tamiz, rimliklar avvalgi turda “Inter” bilan durang o‘ynagandi (1:1).
Shu kuni turning markaziy o‘yinida muddatidan avval chempionlikni qo‘lga kiritgan Turinning “Yuventus” klubi Luchano Spaletti boshliq Milanning “Inter” klubi bilan bahs olib boradi. O‘yinga soat 23:30 da start beriladi. Ma’lumot uchun, turinliklar 87 ochko to‘plagan holda musobaqa jadvalida yaqqol peshqadamlik qilayotgan bo‘lsa, “Inter” esa 61 ochko jamg‘arib 3-o‘rinda bormoqda.
28-aprel, yakshanba kuni Karlo Anchelotti boshqaruvidagi “Napoli” klubi mehmonda “Frozinone”ni sinovdan o‘tkazadi. O‘yin soat 15:30 da boshlanishi belgilangan. Ta’kidlash joiz, neapolliklar avvalgi turda “Atalanta”ga 1:2 hisobida yutqazib qo‘ygandi.
33-turda “Parma” bilan durang natija qayd etgan (1:1) “Milan” jamoasi “Torino” maydoniga safar qiladi. Uchrashuv 23:30 da boshlanishi belgilangan. Eslatib o‘tamiz, Jennaro Gattuzo shogirdlari 56 to‘plab, musobaqa jadvalida 4-o‘rinni band qilib turibdi.
33-turdan so‘ng musobaqa jadvalidagi holat:
A Seriya
34-tur bahslari
27-aprel, shanba
“Bolonya”—“Empoli” 18:00
“Roma”—“Kalyari” 21:00
“Inter”—“Yuventus” 23:30
28-aprel, yakshanba“Frozinone”—“Napoli” 15:30
SPAL—“Jenoa” 18:00
“Kyevo”—“Parma” 18:00
“Sampdoriya”—“Latsio” 21:00
“Torino”—“Milan” 23:30
29-aprel, dushanba“Atalanta”—“Udineze” 22:00
“Fiorentina”—“Sassuolo” 00:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)