Marca nashri “Real Madrid” vingeri Vinisius Junior “Oltin to‘p”ning yangi sohibi bo‘lishini ma’lum qildi.
Xabarga ko‘ra, 28-oktyabr kuni braziliyalik futbolchiga muvaffaqiyatli o‘yinlari uchun mashhur futbol mukofoti topshiriladi. Sport kiyimlari ishlab chiqaruvchi Nike kompaniyasi Madridning asosiy ko‘chasi Gran Viadagi do‘konini Vinisiusga “Oltin to‘p” topshirilganidan ikki kun o‘tib qayta ochadi. Braziliya terma jamoasi futbolchisi uchun oltin butsalar tayyorlab bo‘lingan.
Ma’lumot uchun, o‘tgan mavsum oxirida Vinisius “Real” bilan Chempionlar Ligasi, Ispaniya Superkubogi va Ispaniya chempionatida g‘olib chiqdi.
Vinisius 2018-yilning iyul oyida “Flamengo”dan “Real”ga o‘tgan edi. Transfer summasi 45 million yevroni tashkil qilgan shartnoma 2027-yilning yoziga qadar amal qiladi.
Transfermarkt portalida berilgan ma’lumotlarga ko‘ra, futbolchining bozor qiymati 180 million yevroni tashkil qiladi.
Izoh (0)