“Real Madrid” hujumchisi Vinisius Junior bu yilgi “Oltin to‘p”ni qo‘lga kiritishi mumkinligi haqidagi savolga javob berdi.
“Hamma “Oltin to‘p” haqida gapiryapti, lekin men juda xotirjamman. Bu jamoa bilan yana Chempionlar Ligasida g‘alaba qozonishni istayman. Bu mavsumda men katta muvaffaqiyatlarga erisha olaman, keyin esa Amerika Kubogi uchun Braziliya terma jamoasiga borishim mumkin. Men har doim birinchi navbatda jamoa haqida, keyin esa o‘zim haqimda o‘ylayman”, — deya Vinisiusning so‘zlarini keltiradi Goal nashri.
Joriy mavsumda Vinisius barcha musobaqalarda 36 ta uchrashuvda qatnashib, 21 ta gol va 11 ta golli uzatmani amalga oshirdi. Transfermarkt internet portali futbolchining bozor narxini 150 million yevroga baholagan.
“Oltin to‘p”ga yana bir da’vogar — Bellingem 39 ta o‘yin o‘tkazib, 22 ta gol urgan va 10 ta golli uzatmani amalga oshirgan. Futbolchining taxminiy narxi 180 million yevroni tashkil qiladi.
Izoh (0)